Մեր մասին

Մեր առաքելությունը

Մեր ընկերության փիլիսոփայությունը

Երեխաները մեր հասարակության ապագան և հիմքն են։ Հասարակության ապագան ձևավորվում է այն արժեքներով, որոնք մենք նրանց փոխանցում ենք այսօր։ Մենք համոզված ենք, որ երեխայի շրջապատը վճռորոշ նշանակություն ունի նրա անձնային զարգացման և ապագայում հասարակությունում դրական ներդրում ունենալու գործում։
Մի հասարակություն, որը կրթությունը չի համարում էական, վտանգի տակ է դնում զարգացումը ապահովող կարևոր արժեքները, և այդպիսով էլ ավելի նպաստում դեգրադացիային և ավերածություններին։

​

Նվիրվածություն երեխաներին և հասարակությանը

Մենք իրականացնում ենք հատուկ ծրագրեր աշակերտների և ուսուցիչների համար՝ օգնելով երեխաներին, որոնք գտնվում են դժվարին իրավիճակներում։ Վաղ փուլում աջակցելով երեխաներին, մենք կարող ենք երաշխավորել, որ ապագա սերունդները հնարավորություն կունենան ապրել արդար և բարեկիրթ հասարակության մեջ։

Կրթությունը՝ ապագայի ուղեցույց
Մեր ակադեմիան կրթությունը համարում է մարդկության բազմաթիվ մարտահրավերների լուծման բանալի։ Այն փոխում է մտածելակերպը, ձևավորում նոր հեռանկարներ և հնարավորություն է տալիս մարդկանց հաղթահարել դժվարությունները։

Մենք հավատում ենք մի ապագայի, որտեղ գիտելիքը ոչ միայն յուրացվում է, այլև գործնականում կիրառվում՝ կառուցելով մի աշխարհ, որտեղ կոնֆլիկտները լուծվում են կառուցողական երկխոսության և փոխըմբռնման մթնոլորտում։

Կրթությունը մեզ համար ոչ միայն նեղ մասնագիտական ուսուցում է, այլ ամբողջական զարգացում՝
✔ անալիտիկ մտածելակերպ,
✔ ինքնաճանաչում և ինքնավերլուծություն,
✔ հոգեկան հավասարակշռության պահպանում։

Միայն կայուն, ազատ ներքնաշխարհ ունեցող մարդը կարող է զգալ իրեն երջանիկ այս աշխարհում։

Ինքնագնահատական և գիտակցված ներքնաշխարհ

Մեր աշխատանքի հիմքում  ընկած է ինքնագնահատականի ամրապնդումը։
Բարձր ինքնագնահատականը հիմքն է դրական որոշումների, հաջողության և էմոցիոնալ կայունության համար։

​

Մեր դասընթացները ոչ միայն մասնագիտական գիտելիքներ են տալիս, այլև սովորեցնում են մասնակիցներին հաղթահարել իրենց ներքին հակասությունները և ամբողջությամբ բացահայտել իրենց ներուժը։

Ֆինանսական անկախությունը՝ որակյալ կյանքի հիմք։
 

Հոգեբանական ազատության հետ մեկտեղ, ֆինանսական կայունությունը կարևոր գործոն է լիարժեք կյանքով ապրելու համար։

 Շատ մարդիկ, հատկապես հետ սովետական շրջանում, ունեն պատասխանատու աշխատանք, սակայն շարունակում են ֆինանսական խնդիրներ ունենալ։ Մենք ցանկանում ենք փոխել դա։
Մեր ակադեմիան հնարավորություն է տալիս նրանց, ովքեր ժամանակ և էներգիա են ներդնում կրթության մեջ, հասնել մասնագիտական հաջողության և արժանի վարձատրության։

Բարձրորակ կրթական ծրագրերով և մասնագիտական կադրերի տեղաբաշխմամբ մենք ստեղծում ենք հնարավորություններ, որոնք օգնում են որակավորված մասնագետներին աշխատանքի անցնել Գերմանիայում և այնտեղ կայանալ որպես մասնագետ։
Միևնույն ժամանակ, մենք աջակցում ենք գերմանական ընկերություններին՝ ապահովելով նրանց բարձր որակավորում ունեցող մասնագետներով։


Մեր տեսլականը

Մենք ձգտում ենք ունենալ այնպիսի հասարակություն, որտեղ բարեկրթությունը և անհատական ազատությունը կլինեն հիմնական արժեքներ։
Մի աշխարհ, որտեղ մարդիկ կարող են ապրել լիարժեք և ինքնուրույն կյանքով՝ լինելով ներդաշնակության մեջ իրենց շրջապատող միջավայրի հետ։
Մեր ակադեմիան հավակնում է լինել այս փոփոխությունների առաջնամարտիկը և հրավիրում է բոլոր նրանց, ովքեր կիսում են այս տեսլականը, միանալ մեզ։